Nolosha qaxootiga soomaalida ah ee ku jira xerada marataani ee dalka mozambique

0
117

Waxaa muddooyinkii ugu dambeeyay isa soo tarayay  dhibaatooyinka kala duwan ee haysta qaxootiga Soomaaliyeed ee ku sugan waddanka Mozambique , kuwaasoo ku jira xerada qaxootiga  ee lagu magacaabo Marataani.

Xeradaan ayaa waxaa ku jira qaxooti u kala dhashay waddamada Soomaaliya, Burundi, Rwanda, Uganda, Ethiopia, Eretrea iyo Congo, kuwaasoo xerada ka dhistay aqallo isugu jira cooshado, teendhooyin, iyo Laban dusha laga saaray caws ama duur.

Asad  Maxamad Cali oo isagu horey u ahaan jiray afhayeenka qaxootiga Soomaalida ee  ku sugan waddankaasi, haddana ah guddoomiyaha qaxootiyada laga tira badan yahay ee ka soo kala jeeda waddamada Soomaaliya, Eritrea  Ethiopia,  iyo  Uganda  ayaa Ergo u sheegay in xerada Marataani la aas`aasay  sanadkii 2000 bishii Maarso, markaasoo ay si xooggan u degeen xeradaasi qaxooti ka soo kala jeeda dalalka  Congo Burundi iyo Ruwanda.

“Soomaalidu waxay halkaan ku soo gaaran silic iyo saxariir, waxay soo racaan kolkii ay u soo socdaan Mozambique doonyo xun xun oo loogu tala galay in la saaro illaa 50 ruux oo kaliya, balse iyaga waxaa lagu soo saaraa in ka badan 100 ruux taasoo keenta in badda ay ku daataan.” sidaana waxaa Ergo u sheegay Asad Maxamad.

Asad ayaa intaasi ku daray in qaxootiga ay u suura gasho inay ka soo bad baadaan badda ay dhexda kula soo kulmaan dhibaatooyin ay ka mid yihiin kufsi, jirdil, baarasho, iyo dhiigga oo laga cabo, waxaa sidoo kale uu sheegay Asad in  Soomaali badan ay ku xiran yihiin waddanka Tanzania, kuwaasoo doonayay inay soo gaaraan halkaan.

Halkaan intaan ognahay waxaa ku geeriyootay illaa 28ruux oo Soomaali ah,saddex dhallinyaro waa ay ku waasheen, laba iyo tobanna wa la la,yahay meel ay jiraan sidaana waxaa Ergo u sheegay Asad oo intaasi raaciyay in cudurada ugu badan ee ay dadkaasi u dhinteen ay ka mid yihiin cagaarshow, typhoid, duumo iwm.

Xerada Marataani waxay dhanka waqooyi illaa 25km kaga beegan tahay magaalada Nambula, iyadoo xeradu ay ka kooban tahay illaa 4 xaafadood oo waaweyn .

Faarax Dubbad/AA/FM

Post your comments

LEAVE A REPLY

Please enter your comment!
Please enter your name here