CAYAAR SAAXIIBTINIMO

0
143

Cayaar kubbadda cagta ah oo saaxiibtinnimo ayaa dhex martay degmooyinka Dhuusamareeb ee gobolka Galgaduud iyo kooxda kubadda cagta ee degmada Gaalkacyo ee gobolka Mudug. Ayaa ka dhacday xarunta gobolka Mudug e magaalada Gaalkacyo.

Cayaartaani oo ahayd  mid aad u xiisa badan oo ay ka soo qaybgaleen dadweyne farabadan ayaa lagu qabtay garoonka ciyaaraha Cabdullaahi Ciise ee magaalada Gaalkacyo, Waxaana  gabagabadii cayaartu ay ku soo idlaatay 2-0  oo ay guushu ku raacday kooxda kubadda cagta ee ku ciyaaraysey magaca degmada Gaalkacyo.

Cabdimahad Axmad Xirsi oo ah kabtanka kooxdii ku ciyaaraysey magaca degmada Dhuusamareeb  ee Gobolka Galgaduud  oo la hadlayay Radio Ergo ayaa sheegay in   si weyn  loogu soo dhaweeyay degmada Gaalakacyo, wuxuuna sheegay inuu aad ugu faraxsan yahay ciyaartaasi dhexmartay kooxdooda iyo kooxda kale ee degmada Gaalkacyo, isagoo intaas raaciyay in ciyaaraha noocaani oo kale ah ay abuurayaan is dhexgalka bulshada gaar ahaan dhallinyarada.

Sidoo kale Cabdi Siyaad Guufaa oo ka mid ah maamulka ciyaaraha ee  degmada Dhuusamareeb oo isaguna wareysi siiyay Radio Ergo ayaa sheegay in kulankaani uu daba socdo kulan horay uga dhacay magaalada Dhuusamareeb ee gobolka Galgaduud, kaasoo dhexmaray isla labadaan kooxood, wuxuuna sheegay in kulankan ay soo abaabuleen  maamulka ciyaaraha degmada iyo ururrada maxalliga ah ee ka jira degmada Dhuusamareeb .

Post your comments

LEAVE A REPLY

Please enter your comment!
Please enter your name here