Home Wararkii u Danbeeyay Kummanaan arday ah oo duufaantii Sagar ay waxbarasho la’aan dhigtay

Kummanaan arday ah oo duufaantii Sagar ay waxbarasho la’aan dhigtay

0
128
Keydka Ergo

(ERGO) – Labo Boqol iyo todobaatan arday ayaa qarka u saaran inay ka baaqsadaan imxitaanka fasalka siddeedaad ee iskuulada Somaliland, kaasi oo dhacaya dhammaadka bishan Juun. Kaddib markii duufaantii Sagar ee bishii hore ku dhufatay gobolka Awdal ay saamayn ku yeelatay  ilaa 14 iskuul oo ay ardaydaas wax ku baranayeen.

Khasaaraha goobaha waxbarasho gaaray ayaa isugu jira, dhismayaal daadku qaaday, kuwo qayb ahaan dumay iyo qaar uu kala tegay agabkii ay ardaydu wax ku baranayeen sida kuraastii, buugaagtii iyo sabuuradihii, sida uu Raadiyo Ergo u sheegay isu-duwaha Wasaaradda Waxbarashada Somaliland ee gobolka Awdal Jeeke Cismaan Ciye.

Iskuulka hoose/dhexe ee degmada Gargaara ayaa kamid ah goobaha waxbarahso ee ay duufaantu sida ba’an u waxyeelaysay, sidoo kale iskuulkan ayaa ah halka loo qorsheeyey in imtixaanka shahaadiga ah ay ku galaan dhammaan ardayda wax ku barata deegaannada hoos yimaada degmada Lughaya.

Maamulaha iskuulkaas Cilmi Gaab Suge ayaa Ergo u sheegay in ardaydii iskuulkiisa dhiganayay ay qaarkood ay waalidkood ku waayeen duufaanta, halka kuwa kalena ay xilligan ay guryaha la joogaan waalidiintood iyaga oo aan waxbarasho u dareerin. Fasalka 8-aad ayuu tilmaamay inaanay fasax galeen, isla markaana ay diyaar u ahaayeen macalimiintii ardayda usii wadi lahayd waxbarashadooda. Balse 19-kii bishii hore ee May ay duufaantu ku dhufatay deegaanka.

Ku dhowaad 8,000 oo caruur ah ayaa dhiganayay Iskuulada ay saamaynta ku yeesheen roobabka iyo duufaanta, kuwaas oo ku yaalla degmooyinka Lughaya, Baki iyo deegaannada hoos yimaada ee gobolka Awdal.

Inkasta oo ay duufaantu kusoo beegantay xilligii ay xirmayeen sanad-dugsiyeedka 2017/2018, ayay ardayda fasalka siddeedaad wali sugayaan xilliga ay u fariisanayaan imitxaanka shahaadiga ah, maadaama ay fasalada kale ka dambeeyaan xilliga ay gelayaan imitxaanka. Guddoomiyaha waxbarashada ee gobolka Awdal Jeeke Cismaan Ciye ayaa Raadiyo Ergo u sheegay in inkasta oo Somaliland looga diyaar garoobayo imtixaanaadkaas, hadana ardayda ku sugan meelaha ay duufaantku ku dhufatay ay adag tahay inay u fariistaan imixtaanka, maadaama ay burburtay xaruntii ay ku geli lahaayeen.

Raxiimo Maxamuud oo 15 jir ah, waxay kamid tahay ardayda fasalka siddeedaad ee deegaanka Gargaara ee isu diyaarinayay inay galaan imtixaanka shahaadiga ah ee dhici doona dhammaadka bishan Juun. Raxiimo ayaa ka walaacsan inaanay u suurta gelayn inay gasho imitaxaanka, maadaama buugtii ay wax ka akhrisan lahayd ay biyuhu qaadeen. Gurigooda oo ka kooban saddex qol ayay dabeysho saqafka sare ka qaaday, inkasta oo aan wax dhibaato ah ka soo gaarin qoyskeeda.

Isu-duwaha waxbarashada gobolka Awdal ee Wasaaradda Waxbarashada Somaliland Jeeke Cismaan oo aanu waydiinay waxa u qorshaysan si ardaydaas dib loogu celiyo iskuulladii, ayaa sheegay in deegannadaas ay u direen khuburo qiimayn ku soo sameeya khasaaraha inta uu le’eg yahay iyo kharashka ku baxaya dib-u-dayactirka iskuullada. Kaddibna ay u howl geli doonaan in dib loo howl geliyo si ardaydii ay waxbarasho u helaan.

Post your comments

LEAVE A REPLY

Please enter your comment!
Please enter your name here