Biyo la’aan ka taagan tuulooyin ka tirsan Garbaharay

0
297

10 tuuloo oo ka tirsan degmada Garbahaarey ee gobolka Gedo ayaa lagu soo waramayaa inay taagan tahay biyo la’aani, tan iyo bishii janaayo ee sanadkan, sida uu sheegayo gudoomiye ku xigeenka degnada Garbagaaret Aaden Siraad.

Biyo la’aanta ka taagan deeganadaan waxaa keenay markii ay qalaleen waro iyo ceel gacmeedyo biyaha laga heli jiray, waxayna dhibka soo bilowday laba todobaad ka hor, inkastoo xilligii dayrtii ina dhaaftay ay waxoogaa biyo ahi galeen, haddana dhulku abaar ayuu ahaa saddex sano oo la soo dhaafay, taasoo yaraysay kaydka biyaha ee la heli karo.

Qaali Cali Isaaq  oo ah Hooyo 49 sanno  Jir ah, waxay ku nooshahay miyiga tuulada Haluul  oo qiyaastii 23 Km u jirta degmada Garbahaarey ee gobolka Gedo oo la hadashay Ergo ayaa sheegtay in ilaa laba maalmood oo la soo dhaafay aysan wax biyo ah haysan.

“Waxaan 5 maalin ka hor iibsaday foosto la iga siiyey 95 kun oo shillin, oo lacag 20 dollar ah oo la ii soo diray iiga hartay, 12 qof qoyskayga oo ah foosto biyo ahi maxay ka kafayn, waxaan hadda biyo ku iibsadana ma hayso” Ayey tiri Qaali

Post your comments

LEAVE A REPLY

Please enter your comment!
Please enter your name here