Qiimaha cunooyinka gudaha ka soo baxa oo kor u kacay

0
117
Sawir/kaydka/Ergo

Waxaa sare u kacay qiimaha dalagyada ka soo go’a  beeraha dalka bilihii la soo dhaafay. Dadka ka ganacsada raashinkaan gudaha ayaa u sababaynaya qiimo kororkan dalagyadii beeraha ka soo baxayey oo aan soo go’in xilligii guga, iyadoo abaartu samaysay dhul beereedkii gobollada Shabeelooyinka, Bay iyo Bakool.

Suuqyada waawayn ee dalagyadan lagu iibiyo ee magaalada Muqdisho ayaysan ka jirin mashquul badan,  waxaana dadku ay intooda badan joojiyeen iibsashada dalagyada dalka markii qiimaha oo aad u sareeya dartood. Halkii madaal ee digirta ah waxaa lagu kala iibsanayaa 40 -Afartan-Kun Shilling Soomaali, halka loorka 50kg ahina yahay 2,050,000 Sh. So. Halka bishii Juun uu ka ahaa 900,000.

Axmed Maxamed Ibraahim oo ah ganacsade Iibiya dalaga beeraha laga soo gooyo , wuxuu Radio Ergo u sheegay in sanadkan uu u yahay kii ugu darnaa ee ganacsigoodu la darso suuq la’aan. wuxuu sheegay inuu ku xirnaa  beeralayda gobollada shabellaha hoose iyo dhexe oo raashinku ka soo qaadan jiray kadibna ku keedsan jiray baqaar wayn oo uga dhisan magaaladda. Markii ugu dambaysay oo uu raashin soo qaato waxay ahayd sida uu ii sheegay 8 bil ka hor markaas oo uu soo helay  789 loor oo raashin ah taasoo aad uga yar tirada markii horre uu soo heli jiray oo ahayd labbo gaari oo dheenna ah oo raran.

”Raashinkan guduhu hadda waa mid ka qaalisan kii dibadda laga soo dhoofinayey, dadkiina kii dibadda laga so dhoofinayey ayey u wareegeen, cidina ma iibsato inta yar ee taal” Ayuu yiri Axmed.

 

Post your comments

LEAVE A REPLY

Please enter your comment!
Please enter your name here