Bandhig suugaaneedka Habeenka Minneapolis iyo Soomaalida

0
75

Waxaa dhowaan magaalada Minneapolis ee gobolka Minnesota dalka Mareykan lagu qaban doonaa  bandhig ballaaran oo ku saabsan kulan-suugaaneed lagu soo bandhigayo fanka Soomaaliyeed nooc walba oo uu ka koobanyahay, sida heesaha, mijaajilooyinka, gabayada iyo ciyaaraha dhaqanka.

Habeenkan wuxuu tilmaan u noqonaya habeenkii dhallinyarada fanka Soomaaliyeed ee ee Minnesota.

Bandhig sugaaneedkan ayaa lagu wadaa in ay ka soo qeybgalaan inkabadan 19 hal abuur, fanaaniinta gobolka intooda badan, kooxaha wax jila, iyo waliba farshaxanno ku sugan woqooyiga Mareykanka, halkaa oo ay ku kulmi doonaan dadka afka Soomaaliga wax ku curiya iyo kuwa afka Engirisiigaba.

Qabanqaabada bandhigan ayaa waxaa ku howlan Somali Public Radio iyo One Girl at a Time amaba (Hal gabar, hal xilli) waxaana ay ugu tala galeen in ay ummadda Soomaaliyeed u soo bandhigaan, ayna dib u xusuusiyaan fanka iyo suugaanta ay hiddaha u leeyihiin, iyadoo qeyb ka mid ah lacagaha lagu soo gali doono goobta loogu deeqi doona dadka ay abaaruhu ku hayaan Soomaaliya, qaarna lagu kobcin doono howlaha ay waddo hay’adda One Girl At A Time oo ah urur  caawiya gadhaha yar yar ee caawinaada u baahan.

Habeenkan ayaa sida ay sheegeen kooxaha abaalbulkiisa ku howlan waxa uu noqonayaa habeenkii ugu horreyay oo kulmiya bahda Garasha-Dhuuxa Soomaaliyeed oo isugu jira, Abwaano, jilaa, Fanaaniin, DJyo, Qoraa, kooxaha ciyaar dhaqameedka iyo kuwa Cayaaraha casriga ah, waxaa iyana meesha aanan ka maqnaandoonin xusuusta faneed ee fanaaniintii hobollada Waabeeri ee aadka loo jeclaa fankooda.

Ugu dambeyntii Gudiga Abaalmarinta Fanka Soomaaliyeed ee Woqooyiga Mareykanka oo aad u soo dhaweeyay bandhig suugaaneedka ayaa waxa uu ballanqaaday in uu madasha haddiyado ku guddoonsiin doono ilaa 120ka qof ee ugu horeeye ka soo qeybgalayaasha soo xaadira habeenkaas.

Post your comments

LEAVE A REPLY

Please enter your comment!
Please enter your name here