DURUUFAHA KU QASBA BEERALLEYDA YAR YAR INAY KA HARAAN HAWLAHA TACABKA

0
66
Isbeddelka cimillada oo keenay in roobabku yaraadaan iyo duruufa kale ee maamul la’aantu ugu horrayso, qiimaha ku baxaya hawlaha beerashada ayaa keenay inay lumiyaan fursaddoodii  beeralleyda yar yar.
Deegaanka Boocame ee gobolka Sool, ayaa ilaa 80 beerood oo ahaa kuwo yar yar  ayaa la iska daayey in wax lagu beerto, markii ay beeralleydu ka bixi waayeen shidaalka matoorrada, iibsashada miraha beeraha, daawada loo isticmaalo cayayaanka iyo baahiyo kale oo jira.
Haweenka deegaanka ayaa u badan beeralleyda lumiyay fursaddoodii afartii sano ee ina dhaaftay, sida uu Ergo u sheegay Maxamuud Xasan Faarax, wakiilka Boocame ee wasaaradaha beeraha iyo deegaanka ee maamulka Puntland.
“Beeraha la iska daayey in lagu shaqaysto waxaa u wayn saddex hiktar iyo badh, waxaa sidaas u Ergo u sheegtay Farxiyo Faarax, oo ka mid ah dadkaas, dhalinyaro badan oo ku tiirsanaa nolosha beeraha ayaa shaqo la’aan ah deegaanka dhexdiisa”.
Axmed Muuse Yuusuf oo u dhaqdhaaqa horumarka dhalinyarada Boocame ayaa sheegay “Tani waxay sahashay in dhalinyaradu ay tahriibaan, in ay dhirta gubaan oo dhuxul ka samaystaan si ay wax ugala soo baxaan iyo in ay shaqo la’aan noqdaan oo gidaarrada fadhiistaan.”
Boocame waxaa ku yaalla ilaa 100 beerood oo si wanaagsan u shaqeeya, waa tiro aad u yar marka la eego afar sano ka hor oo deegaanku lahaa 180 beerood oo dalagyada ka soo go’a loo iib-geyn jiray magaalooyinka Laascaanood, Garoowe iyo meelo kale.
In kastoo deegaanku leeyahay biyo dhow oo si fudud lagu heli karo xilli kasta haddana waxaa jira dad aan awoodin in ay qotaan ceel ilaa 15 mitir oo dhulka hoose ah, si ay ula soo baxaan biyo ay ku waraabiyaan dalagyadooda, Farxiya Faarax ayaa qabta in biyuhu ay yihiin sababta niyad jabka leh.
Yaan-yada oo ah qudaarta ugu badan ee beeralleydu ku faa’iidaan dhinaca suuq geynta, waxay qarka u saaran tahay in la iska dhaafo beerashadeeda cudurro aysan beeralleydu aqoon oo ku dhacay darteed, Boocame ma helin taageero wanaagsan oo ka timid maamul iyo hay’ado si ay dadka uga caawiyaan aqoonta, dhiirri-gelin dhaqaale iyo mid farsamo intaba.
Cabdiraxmaan
Post your comments

LEAVE A REPLY

Please enter your comment!
Please enter your name here