BEERALAYDA BELEDWEYNE OO KA CABANAYA CAYAAYAAN

0
67
Beeraleeyda Beledweyne ee beerta dalagyada khudaarta iyo geedmiroodka kale ayaa cabasho xooggani kasoo baxaysey tan iyo biloowgii bishii December, cabashadaas oo ku saabsaneeyd cayaayano weerar ku ah dalagyadii ay beerteen xilli roobeedkii Deyrta.
Waxay haddaba keentay taas inuu  muuqaal bushi ah ku reebo miraha iyo geedkaba  sida ay ku cabanayaan waxayna sheegeen in ay ku dadaaleen sidii ay uga hortagi lahaayeen aafadaas tasina ay suurtageli weyday markii ay aafadaas wada saameysay beeraha oo dhan.
“Dhammaan dalagyadii aan maanta fasalki Deyrta beeray  Barbarooni, Yaanyo, Bocor ,Basbaas, Kabsar iyo Qarre waxaa iiga habsaday cayayaan kadibna geedki iyo mirihiba waxay  isubadaleen bushi iyo muuqaal jirro ah, cayayaankii wuu batay, dhulkii kale markuu qalalay wuxuu isugu yimid webiga jiinkiisia iyo meelaha kale ee cagaarka leh, sida beerteeyda iyo kuwa dariskeeyga ah ” sidaasna waxaa raadio Ergo u sheegay Cabduqaadir Xuseen oo murugo iyo niyad-jab ka muuqato xilli uu dhex taagnaa beertiisa oo ku taal deegaanka Shabellow oo qiyaas dhan 12km kaga beegan koonfur- barri magaalada Beledweyne.
Cabduqaadir ayaa raaciyey hadalkiisa in xilligan hadda la joogo qeybta barbaarinta beeraha qaarkood ay u isticmaalaan,  beeraleeydu kagana xafidaan cayayaanka shabakadda kaneecada ee bani’aadamku ka dugsado kaneecada taas oo ay kudul rakibaan mirihii khudaarta ee ku jirra xilliga barbaarinta si ay uga xafidaan cayayaankaas weerarka ku haya.
Isaaq Cilmi Cabdulle oo ka mid ah beeraleeyda deegaanka Weheliye Lugoole oo isna ah meelaha beeraleeydu ka cabanayaan cayayaanka iyo bushiga  ayaa mar Ergo su’aashay dhibaatooyinka hadda haya ka jawaabayayay yiri ” Malabiso, diirato, injir, kabajaa iyo cayayaan kale oo yar yar ayaa fara ba’an nagu haya, waxaana ugu daran malabisada,  geedkii yaanyada iyo borbarooniga waxaad arkee geedkii qurxanaa  oo caleentii madoobaad noqotay ood u maleeynaysid in lagu daadiyay saliidda gubatay ee gawaaradida laga beddelo, markaad gacanta ku taabato geedka iyo mirihiisa waa kugu dhagdhagayaan, sidaas ayaana malabiso loogu magacdaray”.
Isaaq wuxuu hadalkiisa ku sii yiri” Bocorka iyo qarahana waxaa cunaaya cayayaan Duraay la yiraahdo,  oo duulaaya,  oo miraha durayo, massagada ma cudur badno maanta laakiin waxaad ku arkee meelaha qaarkood cayayaan saarane la yiraa oo sida diiratada ah, sabuulkuu galaa  markuu galana sabuulku mirro ma yeelanayo wuxuu noqonayaa madoobaad iyo waxaan jirrin”
Beeralaydaan ayaa sheegay in xirfadaha wax beerasho ee ay isticmaalaan yihiin kuwo dhaqan ahaan ay uga soo guuriyeen abayaashood, aysanse aqoon fiican u lahayn hababka isbedel ee lagu tayo geliyo beerashada, waxayna codsadeen in tababaro laga siiyo hababka loola tacaali karo cayayaankaan.
Abdullahi/MH/MRS
Post your comments

LEAVE A REPLY

Please enter your comment!
Please enter your name here