WHO OO TALAALKA CUDURKA DABEYSHA KA BILOWDAY KISMAAYO

0
69

Xaafadaha kala duwan ee magaalada Kismaayo waxaa si rasmi ah uga bilowday
ololaha tallaalka Cudurka dabeysha kaasoo ay ka faa’ideysanayaa carruurta
da’adooda ay ka yarta shanta sano ee ku nool magaalada Kismaayo, waxaana
tallaalkaan fulineysa hay’adaha Caafimaadka adduunka ee WHO.

Dubbad Cali Maxamed oo ah madaxa ciribtirka cudurka dabeysha WHO ee gobolka
Jubbada Hoose oo la hadlay Idaacada Ergo ayaa sheegay in ololahaan tallaalka
ay ka faa’ideysanayaan ilaa 18 kun oo carruur ah oo ku nool magaalada
Kismaayo kuwaasoo da’dooda ay ka yartay shanta sano.

Dr C/samad Abukar Xaaji wakiilka hay’adda WHO ee ololahaan tallaalka ah ka
fulineysa magaalada Kismaayo ahna agaasimaha wasaarada caafimaadka ee
Dowladda Soomaaliya ayaa isaguna tilmaamay in hay’adda caafimaadka adduunka
ee WHO ay magaalada Kismaayo dib uga bilowday ololaha cudurka halista ah ee
dabeysha kaasoo mudo dhan 4 sano aanan laga fulinin magaalada Kismaayo, sida
uu hadalka u yiri.

“Ololahaan waxaan rajeyneynaa inuu wax ka baddali doono dhibaatadii dhanka
caafimaadka ee ka jirtay Kismaayo, carruurta oo dhan ayaan rabnaa inaan
gaarsiino talaalka,ayuu yiri Dr C/samad Abukar

Qaar ka mid ah waalidiinta carruurtooda ay ka faa’ideysanayaan ololahaan
tallaalka ee cudurka dabeysha oo iyaguna warbaahinta la hadlay ayaa sheegay
inay wax weyn ka faa’idayaan howlahaan tallaalka ee cudurka dabeysha.

Khadar Maxamuud Xareed/AM

Post your comments

LEAVE A REPLY

Please enter your comment!
Please enter your name here