JOOJINTA DILALKA QORSHAYSAN EE WERIYEYAASHA SOMAALIDA

0
100

Maalinta Caalamiga ah ee Xuquuqda aadanaha oo diiradda lagu saaray xorriyadda hadalka Soomaaliya

Kulan magaalada Muqdisho lagu qabtay ayaa waxaa xubno ka socday midowga Yurub iyo dalalka xubnaha ah, wakiillo ka socday warbaahinta Soomaalida, madax ka socotay dawladfa iyo hayádo caalami ah looga hadlay dhibaatooyinka ka taagan xoriyada hadalka Soomaaliya.

Kulankaas oo lagu xusayay maalinta caalamiga ah ee xuquuqal-Insaanka ayaa xubnihii ka qeygalay ku falanqeeyeen baahida loo qabo joojinta dilalka qorshaysan iyo weerarrada weriyayaasha ee Somaaliya.

Fadhiga oo ay soo qabanqaabiyeen Midowga Yurub iyo hayádaha wadashaqaynta la leh ayaa ahaa kii ugu horreeyay ee noociisa ah ee lagu qabto magaalada Muqdisho oo xuddun u ahayd mowjado dilal ah oo sanadkaan loo gaystay in ka badan 18 suxufi gudaha Soomaaliya. Muqdisho waxa ay ka mid tahay meelaha ugu khatarta badan ee uu wariye ku shaqeeyo guud ahaan Soomaaliya sida ay sheegeen hayáddaha u dhaqdhaqaaqa xorriyadda saxaafadda.

Ka qayb-galayaasha waxa ay ka doodeen arrimo ballaaran oo la xirrira nabadgelyada weriyayaasha, sidii wax looga qaban lahaa kuwa inta ay dilalka gaystaan haddana baxsada iyagoo aan sharci la hor keenin (impunity), mabaadi’da xirfadeeded iyo anshax ee howlwadeennada warbaahinta iyo qaabaynta warbaahinta.

Xubnahaas ayaa waxa ay gabagabadii kulanka ay carrabka ku adkeeyeen  baahida loo qabo in la waafajiyo sharciga warbaahinta ee 2007 dastuurka qabyada ah iyo in la sii horumariyo hab anshaxa xirfadeed ee qaybta warbaahinta Soomaaliya iyadoo isla marahaantaasna la abuurayo jawi ay wariyayaasha ku shaqeyn karaan.

MG

Post your comments

LEAVE A REPLY

Please enter your comment!
Please enter your name here