CODSIGA GARGAARKA SOOMAALIYA EE SANADKA 2013 OO LAGU QIYAASAY $1.3 BILYAN

0
83

Cabdikariin Guuled: Dadka Soomaaliyeed waxay ku faraxsan yihiin in dalabka gargaarka bini`aadannimo lagu soo bandhigo gudaha Soomaaliya.

Qorshaha saddexda sano ee dalabka gargaarka bini`aadannimo ee Soomaaliya ayaa maanta shaaca looga qaaday magaalada Muqdisho, taasoo noqoneysa markii ugu horreeysay ee dalabka gargaarka Soomaaliya laga dhex sameeyo gudaha dalka.

Qorshaha dalabaadaadkaas lacagaeed ayaa waxaa shaaca ka qaaday ku simaha isuduwaha howlaha gargaarka bini`aadannimo ee Soomaaliya ugu qeybsan QM Mr. Stefano Porretti, isagoo u gudbiyay wasiirka arrimaha gudaha iyo amniga qaranka DF soomaaliya mudane Cabdikariim Xuseen Guuleed.

Qorshahan oo loogu tala galay sanadaha 2013-2015ka ayaa waxaa diiradda lagu saarayaa baahiyaha deg degga ah ee gargaarka bini`aadadnimo ee ay u baahan yihiin dadka Soomaaliyeed iyo in lagu ballaariyo qorshaha isku filnaanshaha lagu gaarsiinayo dadka, kaasoo wax ka tari doona saldhigna u noqon doona inuu ka hortago xasaradaha iyo dhibaatooyinka dabiicaga ee salka u ah dhibaatooyinka bini`aadannimo ee ka dhaca Soomaaliya.

Codsiga gargaar ee sanadka 2013ka ayaa wuxuu ku kacayaa adduun dhan $1.3 bilyan, kaasoo lagu fulin doono ilaa  369 mashruuc oo bini`aadannimo. Waxaana ka faa`iidaysanaya dad lagu qiyaasay 3.8 milyan oo Soomaali ah.

Mashaariicdaas waxaa fulin doona 177 hay`ado, oo isugu jira kuwa QM, kuwo caalami ah iyo ha`yado caalami ah oo aan dowli ahayn, kuwaasoo ka howlgala gudaha Soomaaliya.

Wasiirka arrimaha gudaha iyo amniga qaranka Soomaaliya, Cabdikariin Guuled, ayaa sheegay in Soomaaliya iyo shacabkeeda ay ku faraxsan yihiin in dalabka gargaarka bini`aadannimo lagu soo bandhigo gudaha Soomaaliya.

Wasiirka ayaa sheegay in xasaradaha bini`aadannimo ee Soomaaliya lagu xallin karo oo kaliya dadaal ay si wada jir ah u sameeyaan dadka Soomaaliyeed iyo saaxiibbada caalamiga ah. Wuxuuna ka codsaday Soomaalida inay taageeraan bulshada samafalka si ay mucaawinooyin u gaarsiiyaan dadka Soomaaliyeed ee u baahan in la caawiyo.

Iyadoo ay  3.8 milyan oo Soomaali ah ay u baahan yihiin gargaar bini`aadannimo, ayaa waxaa taasi ay Soomaaliya ka dhigtay mid kamid ah dalalka caalamka ee ugu daran. Qiyaastii in ka badan 1 milyan oo qaxooti Soomaali ah ayaa dalka bannaankiisa ku nool.

Stefano Porretti, ku simaha isu duwaha howlaha gargaarka bini`aadannimo ee Soomaaliya ugu qeybsan QM, ayaa sheegay in kobcinta awoodda Soomaaliya ee u gagsashada abaaraha iyo daadadka ay ka hortageyso musiibo bini`aadannimo ee dalka uu galo.

QM ayaa sheegeysa in boqolkiiba 50 dalabkii gargaar ee loo sameeyay Soomaaliya la bixiyay, iyadoo $668 milyan laga bixiyay lacagihii la ballan qaaday oo dhammaa $ 1.1 bilyan.

MG/FM/AM

Post your comments

LEAVE A REPLY

Please enter your comment!
Please enter your name here