Maamulka Afmadow oo gargaar u dalbay qoysas danyar ah

0
68

25 June, 2012 AFMADOW

Xaalada noolaleed iyo mida dhanka caafimaadka ee ay ku sugganyihiin boqolaal qoys oo danyar ah oo ku dhaqan degmada Afmadow ee gobbolka Jubbada Hoose ayaa laga soo deyrinayaa.
Qoysaskaan danyarta ee xaaladooda nolaleed laga soo deyrinaayo oo ka kooban haween, caruur iyo dad da’a ah ayaa isugu jira qoysas markii hore xoola dhaqata ahaa oo markii dambe xoolahoodii ay galaafatay abaartii dalka ku dhufatay iyo sidoo kale qoysas deegaan ahaa oo ay saameeyeen dagaaladii ahliga ahaa ee Koonfurta Soomaaliya ka dhacay.

Maamulka cusub ee dhowaan loo magacaabay magaalada Afmadow oo ka hadlay daruufaha iyo xaaladaha adag ee dhanka noolasha ah ee gudaha magaalada ku heysata boqolaal qoys oo danyar ah ayaa sheegay in xaalada guud ee ay ku sugganyihiin qoysaskaan ay tahay mid aad u liidato, isagoona intaasi ku daray in xaalada ay ku sugganyihiin qoysaska danyarta ah ay qarka u saaranyihiin inay ka dhalato masiibo bani’aadanimo.

Cabdixakiim Xaaji Cumar Gudoomiyaha Maamulka Degmada Afmadow oo wareysi gaar ah siiyay Raadiyaha Ergo ayaa sheegay in abaaro, dagaallo, maamul xum iyo gar gaar la’aan isbiirsaday ay dadka danyarta ahh ee kuk nool gudaha Afmadow iyo nawaaxigeeda ay ku keeni nolal xumo aad u liidata.

“Dadka danyarta ah ee Afmadow ku dhaqanka waxay ku noolyihiin nolal aad u qalafsan,waxaan dhihi karaa ilaa 15% ayaa si fiican u nool, 40% dabka maba shitaan oo wax ay ku noolaadaan ma heystaa, abaarro badan oo iska daba soo laalaabtay, maamul xumo , dagaallo.gargaar la’aan ayaa dadka u horseeday inay galaan noolasha qalafsan.”ayuu yiri Cabdixakiim Xaaji Cumar.

Dhibaatooyinka nolal xumo ee laga soo sheegayo inay haystaan dadka danyarta ah ee Afmadow kasokow waxaa sidoo kale dadkaasi ay dhibaatooyin ku qabaan helidda dhanka adeegyada caafimaadka ee ay u baahayihiin, iyagoona dadkani marka ay u baahdaan dawooyinka iyo adeegyada caafimaadka aysan helin.

“Dhanka caafimaadka waxay lamid tahay nolasha, marka hadii aysan nolal jirin caafimaadna ma jiraayo, waayoo Isitaaladii magaalada Afmadow way xirnaayeen inta ay Shabaab joogeen, hay’adihii dadka caawin jirayna meesha way ka baxeen,marka caafimaad haba sheegin,isagu maba jro mana helaan dadkaan adeegyada caafimaadka ee ay u baahanyihiin.”ayuu hadalkiisa siiraaciyay.

Ugu dambeyntii Maamulka Degmada Afmaow ayaa hay’adaha Samafalka ugu baaqay inay yimaadaan magaalada Afmadow oo ay ka bilaabaan howlihii Samafalka.isagoona xusay in amaanka shaqaalaha hay’addaha Samaflka ay damaanad qaadi doonaan.

Khadar Maxamuud Xareed/MG

 

Post your comments

LEAVE A REPLY

Please enter your comment!
Please enter your name here