180 Soomaali ah oo lagu xiray Angola

0
140
22 June, 2012 NAIROBI

Ciidanka ammaanka ee waddanka Angola ayaa maalmahaan waday qabqabasho dadka ajaanibta ah ee ku sugan waddankaas, iyadoo 180 qof oo Somaali ah la xaqiijiyey inay ka mid yihiin dadka la qabqabtay.

Dowladda ayaa bar tilmaameedsanaysa dhammaan soo-galootiga ha sito sharci ama yuusan heysane, iyadoo arrintaanna ay dowladdu ku macnaysay inay kala saarayso dadka sharciga ku jooga waddanka iyo kuwa aan haysan, Axmed Saki oo ka tirsan ganacsatada Soomaaliyeed ee ku sugan magalada Luwanda ee xarunta waddankaas ayaa sheegay ina ilala hadda ay yartahay dadka la soo daayey, iyadoo maalintii saddexaad qabqabashadu ka socoto, guud ahaanna dadka ay waaxda socodaalka ee Angolo xaqiijisay inay qabatay ayaa kor u dhaafaya 2000 oo qof.

Saraakiisha dowladda ayaa iyagu sheegaya inay jiraan kumannaan qof oo ajaanib ah si sharci darro ahna ku jooga waddankaas taasoo ay sheegeen inay gebi ahaanba ku tahay dhibaato, dadka ajaanibta ah ee iyagu ku nool waddankaas ayaa walaac ballaaran ka qaba sharciyada dhinaca socdaalka ee waddankaas, iyadoo gebi ahaanba ay adagtahay sida lagu heli karo sharciyada aad ku joogi karto, arrintaan oo aan saamayn keliya Soomaalida laakiin bulshooinka soo galay waddankaasi si isku mid ah u saamaysay.

Dadka Soomaalida ayaa sidoo kale xaqiijinaya inaysan ciidamadu weli gelin guryaha oo aysan guryaha dadka kala soo bixin, waxayse arrinta raafku saamaysay gebi ahaanba ganacsigii iyo shaqooyinkoodii kale, sida uu sheegay wariyaheenna dhinaca koonfureed ee Afrika nooga soo warrama Faarax Dubbad waxaa jira dad Soomaaliyeed oo muddo dheer xabsiyada Angola ku xiran, iyadoo ay adagtahay fursad lagu sii daayo, codsiyo horay loogu jeediyey dowladda Angolana aysan dheg jalaq u siin sidii Soomaalida ku jirta xabsiyadeeda lagu sii dayn lahaa.

Tiro rasmi ah lagama hayo dadka Soomaaliyeed ee ka ganacsada Angola, waxayna ka ganacsadaan waxyaabo kala duwan sida alabooyinka la soo dejiyo, iyagoo si aad u bahsanna ugu sii fidaya magaalooyinka waaweyn iyo tuulooyinka, waxayna badanaa dadka halkaas jooga ka tageen waddanka Koonfur Afrika.

Farax Dubad/FM/MH

Post your comments

LEAVE A REPLY

Please enter your comment!
Please enter your name here