Ganacsatada Soomaalida Mozambique oo ka cabanaysa qiima kororka canshuuraha

0
113

Ku dhawaad illaa 70 konteenar oo ay leeyihiin ganacsata Soomaaliyeed kuwaasoo  ay ku jiraan alaaba  kala duwan ayaa wali ku xayiran dekadda Nakaala ee ku taala waqooyiga waddanka Mozambique.

Xayiraaddaan ku timid alaabtan saaran konteenarada ayaa timid kaddib markii qiima kordhin lagu sameeyay lacagihii canshuuraha laga qaadi jiray alaabaha ka soo dega dekadda, qaar ka mid ah ganacsatada Soomaaliyeed ee ku nool waddankaasi Mozambique ayaa iyagu durbaba walaac xooggan ka muujiyay qiima kordhinta lagu sameeyay alaabada ay kala soo degaan dekadda taasoo ay sheegeen in ay dhibaato weyn ku tahay ganacsigooda.

Abuukar Muuddeey Maxamad  oo isagu ah guddoomiyaha  ganacsatada Soomaaliyeed ee ku sugan waddankaasi Mozambique ayaa idaacadda Ergo u sheegay in arrintaan ku saabsan qiima kordhinta lagu sameeyay qiimaha badeecooyinka  ay kala soo degaan dekadda Nakaala ay tahay mid dhabar jab weyn ku ah ganacsigooda .

“Aad ayaan uga xuunnahay in arrintaani ay dhacdo haddana dekadda waxaa nooga xayiran haddii aan nahay ganacsatada Soomaaliyeed  ee Mozambique ku dhawaad ilaa 70 konteenar kuwaasoo ay ka buuxaan alaaba kala duwan sida bagaash  qalabka elektaronica iyo waxyaaba kale”sidaana waxaa yiri Abuukar Muuddeey, Guddoomiyaha ganacsatada Soomaalida waddanka Mozambique  waxaana uu intaasi raaciyay in dekadda dhawaan la keenay system casri ah oo lagu ogaado wax yaabaha ku jira gudaha konteenarada kaasoo isna runtii caqabad kale nagu ah  ayuu yiri Abuuka

“Muddo illaa saddex toddobaad ah ma jiraan wax ka soo baxay dekadda allaabadi ganacsatadana halkaasi ayay ku xayiran yihiin” ayuu yiri Abuukar Muuddeey Maxamad oo ah  guddoomiyaha  ganacsatada Soomaaliyeed ee ku sugan waddankaasi Mozambique.

Dekadda Nakaala ayaa ku taala dhinaca waqooyi ee waddanka Mozambique waxayna qiyaastii 190km u jirtaa magaalada Nimbula oo ah meesha ay ku badan yihiin Soomaalida ku sugan waddankaasi Mozambique si kastaba  ha ahaatee waxaa gabaabsi ah alaabaha hadda yaala dukaamada ama goobaha ganacsiga Soomalidu ay ku leeyihiin halkaasi taasoo ay ugu wacan tahay xayirnaanshaha konteenaradaan  ku xayiran dekadda Nakaala.

Faarax Dubad/MG/AA

Post your comments

LEAVE A REPLY

Please enter your comment!
Please enter your name here