DEEGAANADA FOG FOG EE GOBOLKA BARI OO AYSAN KA JIRIN ADEEG CAAFIMAAD

0
47

Degaanka Timirshe oo ka mid ah degaanada hoostaga gobolka Bari ayaa laga soo sheegayaa in ay ka jirto xaalado caafimaad darro, oo isugu jirta dhinacya kala duwan.

Maamulka degaanka tuulada Timirshe  oo la hadlayay idaacadda Ergo ayaa sheegay in degaanka ay ka jiraan dhibaatooyin badan oo ay ka mid tahay degaanka oo aan lahayn xaruma caafimaad oo ay booqdaan dadka degaanka, gudoomiyaha degaanka Timirshe Cabdullaahi Shire Aw Yusuf , ayaa  Ergo u sheegay in haweenka  uurka leh ay u dhimanayaan dhiig bax iyo cuduro ay ka mid yihiin kalamiso.

“Degaankeena kama jiraan laama caafimaad oo dadka lagu daweeyo, waxaa noogu sokeysa degmada Boosaaso, haddii la qabto haweeneyda uurka leh tusaale ahaan waxaa loola cararayaa cusbitaalada ku yaala Boosaaso, haween badan ayaa intii loo sii waday Boosaaso dhexda naftu kaga baxday dhiig bax daraadddii” ayuu yiri guddoomiyaha tuulada Timirshe Cabdullaahi Shire Aw Yusuf, isagoona sheegay in badi  haweenkaasi  lagu aasay gooba ay ka mid yihiin Kob dhexeed, Dhar Jaale,iyo Tuulo Ciise, waxaana ugu dambayntii uu ka codsaday maamulka Puntland waddamada Islaamka iyo hay,adaha deeqaha bixiyaba in ay degaanka u furan bukaan eegtooyin iyo cusbitaalo daboola baahida dadweynaha.

Siciid Cabdi salaam Yuusuf waxaa uu ka mid yahay wax garadka degaanka Timirshe waxaa uu isna Radio Ergo u sheegay in baahida ugu badan ee ay reer Timirshe qabaan ay tahay baahi caafimaad haddii midaas ay helaana ay wax badan iska baddali doonaan nolosha degaanka.

Degaanka Timirshe ayaa isagu kamid ah degaanada hoos taga gobolka bari, muuqaal ahaana waa degan buuraley ah oo ay maraan buuraha sil siladda Golis, dhinaca kale degaanku waxaa uu qeyb ka yahay degaano badan oo kale oo ku yaala gobolka kuwaasoo aan haysanin daryeel caafimaad iyo mid wax barasho.

A Somali/AA

Post your comments

LEAVE A REPLY

Please enter your comment!
Please enter your name here