Odayaal “ Colaadaha Gedo waxa ay barakiciyeen dad badan”

0
109
23 March, 2012  GEDO

Qaar ka mid ah odayaasha iyo waxgaradka gobolka Gedo ayaa waxa ay walaac ka muujiyeen saamaynta colaadaha iyo iska horimaadyada gobolkaas ka dhaca ay ku yeesheen dadka rayidka ah.
Howlgalo iyo guluf colaadeed oo qeybo kamid ah gobolkaas ku dhex maray ciidamada Kenya, DFKG ah iyo Alshabaab ayaa waxa ay horaan qasaare naf iyo maalba u soo gaarsiiyeen goobo ay deganaayeen dadka rayid ah.

 

Horaantii sanadkan duqeyno ay gaysteen diyaarado ayaa waxa ay walxyeelo soo gaarsiisay dad rayid ah, iyadoo ay jireen ugu yaraan shan qof oo ay dileen ciidamada dagaalamaya.

 

Nabadoon Ibraahim Gadgadoon oo kamid ah waxgaradka degmada Ceelwaaq ayaa shegay in dagaalo ka dhacay deegaanka Buusaar ay ku qasbeen in dadka xoolo dhaqatada ah iyo kuwa degan goobahaas ay isaga barakcaan guryahooda, iyagoo soo galay degmada Ceelwaaq halkaa oo uu sheegay in gargaar ay u qeybisay hay’adda WFP uusan ku filnayn.

 

Nabadoonka ayaa sheegay in xiliyada habeenkii ay dadka tuulooyin la isku horfadhiyo degan ay u qaxaan baadiyaha fog fog, maaliintii ay ganacsigooda dib ugu soo laabtaan, isagoo intaasi ku daray in koox kasta oo kamid ah dhinacyada dagaalamaya markii ay la wareegto gacan ku haynta deegaan ay dadka rayidka ah ku eedeeyaan inay la shaqaynayeen midba midka kale.

 

Gobolka Gedo gaar ahaan tuulooyinka iyo deegaankada Buusaar, Tarako, Caasho Cad, Daarisalaam ayaa waxaa sameeyay colaadaha, iyadoo boqolaal qofna ay dani ku qasabtay inay guryahooda ka barakacaan.

 

Radio Ergo

Post your comments

LEAVE A REPLY

Please enter your comment!
Please enter your name here