Wareysi ku saabsan dhibaatada ciidamada dowladda Soomaaliya ay u gaystaan dadka ku jira xeryaha barakaca.

0
33

Muqdisho:- Kulanti wacan dhageystayaal sida aad ula wada socotaan waxaa magaalada Muqdisho in muddo ah ka jiray falal danbiyeedyo ay geysanayaan askar ka tirsan dowladda iyo qaar badan oo inta ay xirtaan dareyska ciidamada isku ekeysiiya askarta .

Waxaana danbiyadaasi ugu waaweyn dilalka micno la’aanta ah ee dadka rayidka loo geysto, waxaana sidoo kale jira dhibaato si gaar ah u taabatay dadka abaaraha ka soo barakacay oo iyaga la kulmay tan iyo markii ay magaalada Muqdisho soo gaareen gar gaar iyo dhibaato kooxahaasi ka imaaneyysa oo is bar bar socota ,waxaana jira dhacdooyin gaar ah oo wali dadka ay xusuustaan sida dhacdadii 5tii August ee Sanadkaan ka dhacday xerada Badbaado ee magaalada Muqdisho halkaasi oo ay askar dooneysay in ay u gacan dhaafaan gar gaar la siiyay dadka barakacayaasha ee halkaasi inta dadka ay ku rasaaseeyeen 15 ruux ku dileen qaar badan oo kalana ku dhaawacay.

Waxaa Sidoo kale magaalada Muqdisho toddobaad kasta ka dhaca dilal goonni goonni ah mana jiraan illaa iyo hadda wax muuqda oo laga qabtay kooxaha manaxayaasha ah ee dadka dhibaateeya. haddaba maxaa sababay arrimahaasi oo dhan ? Maxaa laga qabtay ? Yaa masuul ka ah ? Maxaase xal u ah Su’aalahaasi iyo qaar kale waxaan hordhigay guddoomiyaha maxkamadda ciidamada qalabka sida ee Dowladda KMG Gashaanle Sare Xasan Maxamed Xuseen Muun Gaab.

Ugu horreyn waxaan wax ka weeydiinnay bal waxa sababta u ah dhibaateeynta dadka rayidka ee Muqdisho sida xoowliga ah ugu dhacda.

Gud:  Bismillaah,  in shacabka dhibaato loo geysto marka hore waan ka xunnahay ee hadda waxaa soo cusbooneeysiiyay Su’aasha ,guud ahaan waad ogtahay waxaa la dhihi karaa waa ay yaraatay shacabka dhibaatadii loo geysanayay ,hadana waa ay hagaajiyeen anshaxooda askarta waana ay yaaratay arrinta ah in dareyskooda lagu labisto ,waxaana muuqda in shacabka uu nabad galay oo aan Suuqyada la bililaqeeysan sidaas in ay xaaladda ahyyd ayaan ogeyn marka wax hadda soo cusboonaaday ma jirto waana nalagu amaanay.

Wariyaha:  Waa yahay guddoomiye dad badan ayaa ku dhageysanayo waxa aad inoo caddeeysaa cidda caqabadda idinku ah?

Gud:  Waxaan kuu sheegi karaa haddii aan soo koobo caqabadda arrintaasi hor taagan in wax laga qabto waxay tahay haddii dhibaato meel ka dhacdo oo ay qeeylo dhaan soo yeerto asalka waxa uu yahay in ciidamada Booliiska ay ku baxaan meeshaas ,cidda dhibaatada geysaneysana ay soo qabtaan sharcigana ay horkeenaan taa haddii la waayo waxa ay ka digan tahay in fowdo ay goobta camimeeyso sidoo  kale waxaa la ogsoon yahay in gudaha magaalada Muqdisho wali ay ku jiraan ciidamada Millatariga xeryo goonni ah oo hadda magaalada ayay joogaan

Wariyaha: Marka halkaasi oo kale yaa masuul ka ah haddii dhibaato ay dhacdo soo qabashada cidda geysatay ?

Gud: Taliska ciidanka meeshaas jooga gaar ahaan Taliyahaasi ayaa laga rabaa in uu wax ka qabto oo uu sharciga horkeeno ,marka haddii baryahaan ay dhibaato u soo cusboonaatay waxaa u wacan in aan la soo qabaneynin cidda dhibaatada geysatay oo aan sharciga la horkeeneynin.

Wariyaha: Arrintaasi wax  xal ah malahan miyaad leedahay oo dadkii maatada ahaa iyo dadkii rayidka sidaa ayaa loo dilaaya?

Gudo:  Maya annaga howsha aan heeyno gacmaha kama laabaneyno, Xafiisyo badan waa ay furan yihiin wixii la soo qabtana sharciga ayaan horkeenna cadaaladana waan marinnaa waan isku daynaa xitaa in aan dhaqdhaqaaqno oo aan aagaggii aan tagno iyo meelaha dhibaatada laga soo sheegayo maanta xitaa howlgal ayaan wadnay ,waxaa goobaha aan tagnay ka mid ah Lafweyn iyo  Siisii.  wixii ka horreeyay waxaan dhowr jeer tagnay Soos  iyo Heliwaa intaasna waxaan u dhaxeynay dhibaato la soo sheegay.

Wariyaha: Marka ma jirtaa inta aad howlgalladaasi waddeen cid aad u soo qabateen ?

Gud: Waxaan rabaa adiga iyo shacabka in aan idin fahansiiyo maxkamadda waxa ay qabato, Maxkamadda iyadu ma aha in ay soo qabato danbiilaha balse waxaan tageynaa halka ay dhibaato ka soo yeerto waxaan la kulmeynaa Taliyaha meeshaasi, waxaan ugu baahannahay in uu wada shaqeyn nala yeesho oo uu soo qabto askarigii dhibaatada geystay ,haddii wadashaqeyn uu nala yeelan waayo oo uu askariga soo qaban waayo maxkamadda waa ay iska soo laabaneysaa, iyadu in ay qoryo qaadato ma soo qabaneyso oo meelba kuma oga ,haddii Sarkaalka uu wada shaqeyn nala yeelan waayo Sarkaalka qudhiisa ayaa kiiska lagu soo oogayaa.

Wariyaha:  Haddii mas’uuliyaddu  ay tahay mas’uuliyad wadareed, Saraakiisha marka aad tuhunsan tihiin yaad ka sugeysaan in ay soo qabtaan iyo in ay sharciga mariyaan?

Gud:  Masuuliyaddaasi waa Mas’uuliyad wadareed oo loo baahan yahay in ay soo qabtaan kan booliiska, kan Mallatariga iyo kan Nabad Sugidda  in waajibkooda qaran ay gutaan lagulana xisaabtamo Wasaaradaha shaqada ku leh. anaaga maxkamad ayaa nahay  Maamul iyo Siyaasad iyo fal danbiyeed soo qabashadiisa intaba shaqadeenna ma aha. cidda la soo qabto in aan cadaaladda marinno ayay waajibkeeda tahay.

Wariyaha:  Guddoomiye Muqdisho wax badan ayay dhibaato ka jirtay, waayahan dambe dadka barakacayaasha ayaa la rasaaseeyaa,  dhac ayaa loo geystaa xitaa mararka qaar dad mas’uuliyiin ah baa arrinta lagu tuhmaa maxay dhibaatada u sii socotaa?

Gud: Waxaan kuu sheegayaa maxkamaddu xalka amniga qeyb ayey ka tahay. ciddii dhibaato geyatana sharciga ayaan marineynaa oo cadaaladda ayaan horkeeneynaa annaga doorka aan ammaanka ku leennahay waxa ay tahay ciddi amni darro fulisa in aan cadaaladda horkeenno.

Dhammaad

Yusuf/MH/FM

Post your comments

LEAVE A REPLY

Please enter your comment!
Please enter your name here